ИЗВЕСТУВАЊЕ ДО КОРИСНИЦИТЕ НА УСЛУГИ НА ЗОНА А5- ДОПОЛНУВАЊЕ


Јавното претпријатие за јавни паркиралишта Градски Паркинг- Скопје, на ден 15.06.2019 година (Сабота) ќе го уредува паркинг просторот поточно, ќе спроведува градежни активности на јавната површина наменета за паркирање зона А5. Исто така, 26.06.2019 (Среда) ќе врши бележење на паркинг местата и уредување на паркинг просторот на истата зона.

Заради горе наведената причина, ги молиме сите корисници на услуги за време на одвивање на градежните активности да не ги паркираат своите возила на наведената зона. Услугата ќе може да ја користите односно, да ги паркирате Вашите возила, во Катна гаража „БЕКО“. 

Особена молба, Јавното претпријатие упатува до станарите, корисници на оваа зона, своите возила да ги преместат во Катната гаража „БЕКО“ утре, на 14 Јуни (Петок), односно 25.06. (вторник) 2019 во вечерните часови.

Јавното претпријатие Ви благодари на разбирањето и соработката. 

За повеќе информации може да се обратите во инфо центарот, на контакт телефонот  02 321 55 66.