Светско признание за архитектонско ремек дело на катната гаража „Македонска фаланга“

Архитектонското дело, катна гаража „Македонска фаланга“ на групата автори Минас Бакалчев, Митко Хаџи Пуља, Саша Тасиќ, Александар Радевски, Никола Стрезовски и Дамјан Момировски, во соработка со Милан Мијалковиќ, авторот на фасадата, од фирмата ППАГ од Австрија, следејќи го барокниот стил претставен во денешно време, успеаја да го вбројат своето ремек дело меѓу првите пет архитектонски решенија во групата паркинг објекти на „Платформата за архитектура и дизајн Архитајзер“ на светско ниво.

Во конкуренција со останатите катни гаражи од Австралија, Австрија, САД и Тајван , катната гаража „Македонска фаланга“ доби најмногу гласови на интернет гласањето за популарната архитектонска наградата „Архитајзер А+“, што ја доделуваше „Платформата за архитектура и дизајн Архитајзер“,која оддава признание на најдобрите архитектонски решенија, простори и продукти на светко ниво, а страната на стручното жири за најдобро архитектонско дело беше прогласена катната гаража во Тајпеј, Тајван.