14.02.2022
ЈП „ГРАДСКИ ПАРКИНГ-СКОПЈЕ ИЗВРШИ НАДГРАДБА И МОДИФИКАЦИЈА НА ПОСТОЕЧКИОТ СИСТЕМ ЗА НАПЛАТА НА ЈАВНО ПАРКИРАЛИШТЕ „ГРАДСКА БОЛНИЦА“-ЗАМЕНЕТИ ХАРТИЕНИТЕ БАР КОД КАРТИЧКИ СО ЕЛЕКТРОНСКИ МАГНЕТНИ КАРТИЧКИ
ЈП „Градски паркинг“ – Скопје, изврши надградба и модификација на постоечкиот систем за наплата на јавното паркиралиште „Градска Болница“. Со новиот начин на наплата за услугата се изврши замена на хартиените бар код картички за еднократна употреба, со нови електронски магнетни картички за наплата, чија употреба е многукратна.
Новиот систем за наплата се воведува со цел зголемена функционалност на паркиралиштето од економски аспект, но и во интерес на заштита на животната околина. Со електронските картички,претпријатието, ќе има значителна заштеда на трошоците за хартија и печатење.
Претпријатието ќе продолжи со замена на хартиените бар код картички со електронски магнетни картички и на останатите јавни паркиралишта, водејќи се од истата цел - воведување современи, еколошки и економски начини на наплата.
На овој начин, претпријатието потврдува дека е општествено одговорно претпријатие, кое продолжува да работи на подобрување на условите на корисниците на јавните паркинг услуги.
